Wórša

Wórša

Wórša (hornjoserbšćina)

substantiw, předmjeno, f

kazus	singular	dual	plural
nominatiw	Wórša	Wórši	Wórše
genitiw	Wórše	Wóršow	Wóršow
datiw	Wórši	Wóršomaj	Wóršam
akuzatiw	Wóršu	Wórši	Wórše
instrumental	z(e) Wóršu	z(e) Wóršomaj	z(e) Wóršemi
lokatiw	po Wórši	po Wóršomaj	po Wóršach

Ortografija

Dźělenje słowow:

Wór·ša

Wurěkowanje

MFA: ['u̯ʊʀša]

Słuchowe přikłady:

Semantika

Woznamy:

[1] serbske žonjace předmjeno

Dalše wujasnjenja:

[1]

Skrótšenki:

[1] W.

Pochad:

[1] wot łaćonskeho mjena Ursula, diminutiw wot łaćonšćiny ursa ^[→en] (= mjedwjedźica), tuž Wórša = mała mjedwjedźica

Warijanty:

[1] Wóršla, Wóršula, Wóršulka; zestarjene: Worša, Wuršula ; literarne: Woršula

Muske formy:

[1]

Hyperonymy:

[1] předmjeno, mjeno

Hyponymy:

[1]

Kolokacije:

[1]

Přikłady:

[1] Wórša bě tule fyziku studowała, spodźiwnje, zo runje fyziku, a nětkole bě wona žiwa tam, w tymle druhim kraju, za swój dom, swojeho muža Tomaša a swojej dwě dźěsći. (Jurij Brězan)

[1] Hańža, dokelž wě, zo změje zamjelčeć swoju šěsnaćelětnu Doroteju, Wórša, dokelž zda so jej, zo wuliwa so jej do tutoho lista horca rěka, lawa, a to zda so jej njepřistojnosć. (Marja Młynkowa)

[1] Rympakec Kata a Kobjelic Wórša, hižo wobstarnej žónce, dźetej hromadźe z cyrkwje. (Jakub Bart-Ćišinski)

[1] Hańža a Wórša swojej mopedaj spomalitej, zastanjetej. (Marja Młynkowa)

[1] Worklečenjo na turněrje w Ralbicach: zady wotlěwa: Mikławš Bejmak, Hinc Fryča a Křesćan Korjenk; prědku wotlěwa: Pětr Wornar, Wórša Grundeiowa a Pawoł Hejduška. (Serbske Nowiny, 1. winowca 1999)

[1] Ale Wórša so směješe. (Marja Młynkowa)

[1] Před lětami bě sej njeboh Měrćin Nowak pola Langec syna Ullricha, kiž wuměłsce drjewo wobdźěłuje, rězbuje, twaji, intarsije zhotowja, a Wórše skazał za swoju zahrodu drjewjaneho Swjatowita („Ale toho ja Wam sam narysuju, dokelž wy njewěsće - to jenož ja sam wěm - kak je wupadał!“) (Rozhlad, 1991)

[1] Připowědźiła je wona najprjedy dźěći Chrosčanskeje zakładneje šule, kotrež pod nawodom wučerka\wučerki Wórše Wićazoweje spěwachu, rejwachu, recitowachu. (Serbske Nowiny, 1. winowca 1999)

[1] Kaž małe, njeměrne zwěrjatko sedźeše Wórši wutroba w hrudźi. (Marja Młynkowa)

[1] Wot Agaty hač k Wórši. (Serbske Nowiny, 13. pražnika 2001)

[1] Žony hladaja na Hanu, na Gerdu a... na Wóršu. (Marja Młynkowa)

[1] Na wječornu bjesadu z tworjacej wuměłču Wóršu Lanzynej bě dnja 25. apryla klub Serbskeho domu přeprosył. (Rozhlad, 1996)

[1] Přez lětdźesatki smój dźěłałoj z Wóršu Lorencowej (tež zwonka dźěła a překročujo wobsahowe wobmjezowanja z najwšelakorišimi institucijemi). (Rozhlad, 1999)

[1] Je scyła spokojom z Wóršu. (Marja Młynkowa)

[1] Stawiznička, kotruž žona wo swojej młódšej dźowce Wórši powědaše, bě sfotografowana na pisanym foće, kotrež wona mjez listami, kartami a wšelakorym ćikotom w hornim faše komody chowaše. (Jurij Brězan)

[1] Pohlada po Gerdźe a po Wórši a sydny so do kuta. (Marja Młynkowa)

Rěčne wobroty:

[1]

Wotwodźene wopřijeća:

[1] Wóršine/-a/-y

Znate nošerki mjena:

[1] Wórša z Kolina (swjata Wórša), Wórša Šołćic, Wórša Wićazowa, Jěwa Wórša Lanzyna

Přełožki

Zapadosłowjanske předmjena

čěski: [1] Uršula (cs) f, Voršila (cs) f delnjoserbski: [1] hornjoserbski: [1] Wórša (hsb) f kašubski: [1]

połobski: [1] pólski: [1] Urszula (pl) f; Usia (pl) f słowakski: [1] Uršuľa (sk) f šleski: [1]

Wšitke

bołharski: [1] Урсула (Ursula) → bg f čěski: [1] Uršula (cs) f, Voršila (cs) f danski: [1] Ulla (da), Ursula (da), Yrsa (da) ferejski: [1] Ulla (fo), Yrsa (fo) finski: [1] Ulla (fi), Ursula (fi), Yrsa (fi) francoski: [1] Ursule (fr) f hornjoserbski: [1] Wórša (hsb) f islandski: [1] Úrsúla (is), Úlla (is), Yrsa (is) italski: [1] Orsola (it) f, Ursola (it) f jendźelski: [1] Ursella (en) katalanski: [1] Úrsula  (ca) f

madźarski: [1] Orsolya (hu) němski: [1] Ursula (de) f; Ulla (de) f, Uschi (de) f nižozemski: [1] Ursula (nl) norwegski: [1] Ulla (no), Ursula (no), Yrsa (no) pólski: [1] Urszula (pl) f; Usia (pl) f portugalski: [1] Úrsula (pt) f samski: [1] Ullá (smi) słowakski: [1] Uršuľa (sk) f słowjenski: [1] Urška (sl) f, Urša (sl) f, Uršula (sl) f španiski: [1] Úrsula  (es) f šwedski: [1] Ulla (sv), Ursula (sv), Ursila (sv), Yrsa (sv)

Njewěste — bjez garantija prawosće

retoromanski: [1] Uorschla (rm) f

Referency a dalše informacije

[1] Čěska wikipedija: Uršula

[1] Němska wikipedija: Ursula (Vorname)

[1] Pólska wikipedija: Urszula