wobwěncować

wobwěncować

wobwěncować(hornjoserbšćina)

wosoba	singular	dual	plural

1.	wobwěncuju	wobwěncujemoj	wobwěncujemy
2.	wobwěncuješ	wobwěncujetej (-taj)	wobwěncujeće
3.	wobwěncuje	wobwěncujetej (-taj)	wobwěncuja (wobwěncuju)


aspekt	p/ip
transgresiw	wobwěncujo, wobwěncujcy, wobwěncowawši
prezensowy particip	wobwěncowacy
preteritowy particip	wobwěncowany
ł-forma	wobwěncował, wobwěncowała, wobwěncowało, dual: wobwěncowałoj, plural: wobwěncowali (wobwěncowałe)
werbalny substantiw	wobwěncowanje

wosoba	singular	dual	plural
preteritum
1.	wobwěncowach	wobwěncowachmoj	wobwěncowachmy
2.	wobwěncowa(še)	wobwěncowaštej	wobwěncowašće
3.	wobwěncowa(še)	wobwěncowaštej	wobwěncowachu

wosoba	singular	dual	plural
imperatiw
1.	---	wobwěncujmoj	wobwěncujmy
2.	wobwěncuj	wobwěncujtej (-taj)	wobwěncujće
3.	wobwěncuj, njech wobwěncuje	wobwěncujtej (-taj)	njech wobwěncuja (wobwěncuju)

Dźělenje słowow: wob-wěn-co-wać

IPA: u̯obu̯ʲɪnʦou̯aʧ

Woznamy:

Dalše wujasnjenja:

Imperfektiwne wobwěncowaše je 1x dokładźene, wobwěncowa (móže tež něšto druhe być) 0x.

Synonymy:

[1] wěncować

Přikłady:

[1] Bórze sym w ,,Błóće``, w tej krasnej wólšinje, kiž Borkowy wot połnocy wobwěncuje. (Njechorński)

Žiwy lěs haćiki a łuže wobwěncuje. (Njechorński)

Z hudźbu, z trubami a bubonami budźeja we swjedźeńskim ćahu přewodźeć swoje kruwički, jałojčki a ćelatka, snadź je hišće z kwětkami wupyša a wobwěncuja? (Njechorński)

Młody młynk žlokaše w brunym wobleku a rjeješe pjany hłupe spěwy; lědy woženjeny blidar wukřći swojeho prěnjeho hólca na Siegfrieda (běše to prěni Siegfried we wsy), rěčeše serbski jenož hišće potom, hdyž na swoju žonu blawkaše, a bu wótry a wótře herjekacy hejtman wohnjoweje wobory; překupc wobwěncowaše měsacy dołho někajke brune wobrazy w swojim woknje a rozumješe serbski jenož hišće dźěćom; krawski mišter sej druheho pomocnika přistajj a boješe so -- běše-li uniformowany -- jenož hišće trochu, samlutki wječor přez knježj park hić. (Brězan)

Za to pak w mnohich stwach wobwěncowany wobraz wojaka wisaše. (Brězan)

Byrnjež přiwěrkojty njebył, njezamó so dowobarać začuću, zo tele wobwěncowane słónco něšto wosebite woznamjenja, haj samo něšto wěšći, so wě za njeho samoho něšto dobre, spomožne. (A. Nawka)

Ći pućik nam časny rad wobwěncuja a bjesadu serbsku tež njewopušća. (Zejler)

Cyrila a Metodija, wušiknje a elegantnje wobwěncowany ze serbskimi barbami druha strona je debjena ze serbskim woponom. (Ćišinski)

Tón so mało njezadźiwa, hdyž durje šulskeho domu z girlandu wobwěncowane a dźěći njedźelske zdrasćene w šulskej stwě nadendźe. (Kubašec)

Njejsu dowidźeli, zo bychu ludźo, kotrymz přeznatursku móc připisuja, tola tež dobre nakuzłać móhli, hdy bychu tajku móc woprawdźe měli, znajmjeńša sebi samym, >>Hdźe su ći dobri ludźo wostali, kotřiž su mje tu po jutrach do wsy witali, mi wudwjernje šulskich durjow wobwěncowali, rjadownju wurjedźili a wobělili, wjeseli mje do njeje wjedli? (Kubašec)

Tehdy chcych murje spowaleć, tak sylny so čujach wšu njerodź chcych z hłowow dźěći a dorosćenych wumjesć, kotřiž běchu mje tola z wotewrjenymi rukami a, kaž so mi zdaše, tež wutrobami do wobwěncowaneho šulskeho domu, do wučisćeneje, woběleneje šulskeje stwy witali. (Kubašec)

Za tutaj běštaj wobwěncowanej stólcaj přihotowanej. (Katolski Posoł 1913)

Wone wobwěncowachu so z wolijowymi hałžkami; wona sama a jeje přewodnički. (Stary zakoń 1976)

Kóždy měsac dyrbjachu woni, k tomu kruće nućeni, na kralowych narodninach na wopornu hosćinu so dowjesć dać, a na swjedźenju Dionysosa nuzowachu jich, so z blušćom wobwěncowani na Diony sosowym procesionje wobdźělić. (Stary zakoń 1976)

Durje domu Božoho kaž tež na farje běchu wobwěncowane z girlandami; Hórčanske knježny běchu je napletłe, zo bychu z tym česć wopokazałe lubomu wjesnjanej, kiž bě nětko docpěł schodźeńk měšnistwa. (Katolski Posoł 1916)

Tak wospjetuje so to pola druhich a hdyž su so jězdni hač k wrotam přibližili, njeje mjez nimi skoro žadyn, kotryž njeby wobwěncowany a z róžemi posypany był. (Zalěski)