podtykować

z Wikisłownika
Zur Navigation springen Zur Suche springen

podtykować

podtykować(hornjoserbšćina)[wobdźěłać]

werb[wobdźěłać]

wosoba singular dual plural
1. podtykuju podtykujemoj podtykujemy
2. podtykuješ podtykujetej (-taj) podtykujeće
3. podtykuje podtykujetej podtykuja (podtykuju)
aspekt ip
transgresiw podtykujo, podtykujcy, podtykowawši
prezensowy particip podtykowacy
preteritowy particip podtykowany
ł-forma podtykował, podtykowała, podtykowało,
dual: podtykowałoj, plural: podtykowali (podtykowałe)
werbalny substantiw podtykowanje


preteritum
wosoba singular dual plural
1. podtykowach podtykowachmoj podtykowachmy
2. podtykowaše podtykowaštej podtykowašće
3. podtykowaše podtykowaštej podtykowachu
imperatiw
wosoba singular dual plural
1. podtykujmoj podtykujmy
2. podtykuj podtykujtej (-taj) podtykujće
3. podtykuj, njech podtykuje podtykujtej (-taj) njech podtykuja (podtykuju)

Ortografija

Dźělenje słowow: pod-ty-ko-wać

Wurjekowanje

IPA: pɔdtɪkou̯aʧ

Semantika

Woznamy:

[1] 'Kedźbu! Tute hesło je zarodk. Wone bu awtomatisce z tekstoweho korpusa generowane a njebu hišće kontrolowane. Tež ortografija móže być zestarjena.

Dalše wujasnjenja:

Imperfektiwne podtykowaše je 3x dokładźene, podtykowa (móže tež něšto druhe być) 0x.

Synonymy:

[1] tyknyć; tykać; podtyknyć; podtykać; podsunyć; podsuwać; připisać; připisować; přityknyć

Přikłady:

[1] Lisćiny, kotrež wo samsnej naležnosći jednaja a so za starše wudawaja, su najskerje podtykowane. (Katolski Posoł 1915)
Tuž je strach, zo skónčnje njeswědomići wobchodnicy cyle so njepřihodźace družiny podtykuja a je předawaja, a hdyž potom tesame hišće wot ludźi, kotřiž wěc njerozemja, so sadźeja a to hišće do njepřihódnoho pola abo kraja, potom je tola škoda wjele wjetša hač wužitk. (Katolski Posoł 1915)
Z hněwom, dokelž mi wón podtykowaše, zo běch po wonej, jezuitam připisanej sadźe >>Zaměr čini srědki swjate<< jednał. (Brězan)
Běchmy worali, dwě kruwje a ja, dźowka hnój podtykowała. (Brězan)
Kak maš sej tajke postupowanje wujasnić, kiž awtoram wědomje wopačnosće podtykuje (Rozhlad 1992)
Mans činješe so najprjedy jara kruty, bórzy pak dyrbješe wotprošować a wuzna, zo na - hrabju Oppersdorffa twarił, kotryž so jomu telegrafiscy jako swědk přećiwo jesuitam podtykował a joho ke krutosći namołwjał. (Katolski Posoł 1914)
Z podtykowanja přińdźe přisłodźenje, hanjenje a hidźenje. (Dobrucky)
Wo tym je wone z najwyššim wójskowym wjednistwom cyle přezjedne a tež z našimi zwjazkarjemi, Chcemy-li našim njepřećelam tajki měr podtykować, bychmy dźěn jich k dalewojowanju namołwjeli. (Katolski Posoł 1917)
Hižo podtykuja kandidatow za wšelake wysoke zastojnstwa. (Katolski Posoł 1917)
Wšo to Bosćij w krótkich wokomikach před sobu widźeše, hdyž mać a Ambrož a Michał Hesa na jeho rozsud čakachu, a to wšo dohromady dočini, zo wahać přesta a Ambrožej sobujězbu přilubi >>Pojědu z tobu, Ambrožo<<, rjekny rozsudnje, >>doma ničo njeskomdźu, a čehodla měł so Bjedrichej do wójska runjewon podtykować? (Kubašec)
Wona budźe sej myslić, zo so podtykuju! (Kubašec)
Hdy by nam pomhać přišoł, njebychmy jeho wotpokazali", mać znapřećiwi, wědźo, zo Bosćij ani do korčmy za Jěwu chodźić ani so jim do dźěła podtykować njebudźe. (Kubašec)
Ł podtykowanje (Ćišinski)
Štóž so z rěču podtykuje, tón zwjetša hroznje němsku pišćel duje. (Ćišinski)
Ja do cyłeje naležnosće wjele prajić a činić njemóžu, dokelž dźě na Budyšinske wuradzowanja ani prošeny był njejsym, potajkim mojeje pomocy pak njerodźa pak njetrjebaju; podtykować so pak moje wašnjo njeje. (Ćišinski)
My pak bjermy so prawje na kedźbu, zo njeby nichtó přičinu měł, nam wotmyslenja podtykować, kotrež su nam cuze, zo wosebje njeby nichtó prajić mohł, zo je so wot našeje strony tež najmjenje šćuwało. (Katolski Posoł 1911)
A tola měra nimamy, smy zwučeni, zo so wšitko, štož činimy abo rěčimy abo pišemy, wobroća na zmysł, na kotryž nichtó pola nas njemysli, zo so nam zmyslenja podtykuja, kotrež my nimamy, zo so na nas tuka cyle bjez winy. (Katolski Posoł 1911)
Zo by so přećiwo wšemu wobčušlenju a podtykowanju, zełharnym rozprawam, na přikład policije a stronskich funkcionarow, zamóhł wobarać a druhich sprawnych prócowarjow škitać, dyrbješe sej wězo dowěru zamołwitych oficěrow sowjetskeje komandantury zdobyć. (Rozhlad 1995)
Tež socialdemokratiska strona dyrbješe dwaj zastupjerjej wotpósłać, a wona podtykowaše zapósłancaj Nosku a Liebknechta. (Katolski Posoł 1913)
Zaslepjeny kral drje sebi mysli, zo móže z tym republikanow wot dalšich radikalnych žadankow wotdźeržeć, njewě, zo wjelk ćim bóle rubi, čim wjacy wowcow jomu podtykuješ. (Katolski Posoł 1913)
Krótki hnój lóže kidaš, nakładuješ, rozkiduješ a podtykuješ. (Katolski Posoł 1913)


Přełožki[wobdźěłać]