maršěrować
maršěrować
maršěrować(hornjoserbšćina)
[wobdźěłać]| wosoba | singular | dual | plural |
|---|---|---|---|
| 1. | maršěruju | maršěrujemoj | maršěrujemy |
| 2. | maršěruješ | maršěrujetej (-taj) | maršěrujeće |
| 3. | maršěruje | maršěrujetej | maršěruja (maršěruju) |
| aspekt | ip |
| transgresiw | maršěrujo, maršěrujcy, maršěrowawši |
| prezensowy particip | maršěrowacy |
| preteritowy particip | maršěrowany |
| ł-forma | maršěrował, maršěrowała, maršěrowało, dual: maršěrowałoj, plural: maršěrowali (maršěrowałe) |
| werbalny substantiw | maršěrowanje |
| preteritum | |||
| wosoba | singular | dual | plural |
|---|---|---|---|
| 1. | maršěrowach | maršěrowachmoj | maršěrowachmy |
| 2. | maršěrowaše | maršěrowaštej | maršěrowašće |
| 3. | maršěrowaše | maršěrowaštej | maršěrowachu |
| imperatiw | |||
| wosoba | singular | dual | plural |
|---|---|---|---|
| 1. | — | maršěrujmoj | maršěrujmy |
| 2. | maršěruj | maršěrujtej (-taj) | maršěrujće |
| 3. | maršěruj, njech maršěruje | maršěrujtej (-taj) | njech maršěruja (maršěruju) |
Ortografija
Dźělenje słowow:
mar-šě-ro-wać
Wurjekowanje
- IPA: maʀʃ'iʀɔu̯aʧ
Semantika
Woznamy:
- [1] 'Kedźbu! Tute hesło je zarodk. Wone bu awtomatisce z tekstoweho korpusa generowane a njebu hišće kontrolowane. Tež ortografija móže być zestarjena.
Dalše wujasnjenja:
- Imperfektiwne maršěrowaše je 10x dokładźene, maršěrowa (móže tež něšto druhe być) 0x.
Synonymy:
- [1] přimaršěrować; připochodować; zaćahnyć; zaćahować; pochodować
Přikłady:
- [1] Hižo Napoleon je wažne słowa prajił: "Bitwy dobywaja so z nohami", a "Wójsko maršěruje ze swojim žołdkom". (Katolski Posoł 1915)
- Martin zahwizda sej >>Młodu gardu<< a maršěrowaše po spjacej wsy domoj. (Brězan)
- Swjedźeń bě był, a běchu maršěrowali a chorhoje njesli, kotrež běchu nowe a běchu kaž stare, běchu rjejili hidu a bjakali přisahi, a hida a přisahi běchu byli stare. (Brězan)
- Dundamoj po haskach stareho města, a hdyž časniki započnu dwanaće bić, lećimoj po Melantrichowej hasy a doběžimoj runje, zo bychmoj wuhladałoj japoštołow, kak wokoło časnika Staroměšćanskeje radnicy maršěruja a smjerć, kotraž pódla z kosu macha, je hrajka. (Brězan)
- Stary Loga stupi z dwora, słónco skoči jemu na nahi nop a maršěrowaše z nim po wsy. (Brězan)
- Tola najprjedy wón njeńdźeše do hlinoweje jamy, wón sćahny sej špotku čapki hłubšo do čoła -- tak bě wón ju tehdy nosył, před třiatřiceći a hnydom po wójnje -- a maršěrowaše do hornjeje wsy. (Brězan)
- Ale wot woneho čorneho dnja, hdyž běše čerwjene róže Symanej Mětkej donjesć dyrbjał, přikaza sej wón, mócnje a kruće nastupajo maršěrować, a tak bě jeho krok so stał sprostnjeny a drjewjany -- kaž jeho mjezwoćo: napoł hordy, napoł hněwny. (Brězan)
- Feliks zawiny při korčmarskim haće, wón měješe hižo luty złobny žort we hłowje, ale w nohomaj bě hišće rozum, wonej maršěrowaštej runjewon domoj. (Brězan)
- Potom dyrbješe Nakoncowa sama k swojej kłódźe maršěrować. (Brězan)
- Maršowu hudźbu ja scyła rady nimam, je so hižo přewjele maršěrowało na našim křiwym a horbatym swěće, wozmu trompetu z chribjeta a zapiskam serbski wjerćak. (Brězan)
- Woni maršěrowachu z města a hrajachu wójnu. (Brězan)
- Wón dundaše po čerstwje popěskowanej parkowej šćežce, zynčeše sej šlager z filma >>Kongres rejuje<< a wobkedźbowaše mužika w brunym, wotnošenym płašću; mužik z krutym stupom maršěrowaše, energisce z kijom wuštapowaše a so porjadnje z pjatow wuzběhowaše. (Brězan)
- Wón hwizdaše a maršěrowaše a widźeše. (Brězan)
- Wšitko stari kemfarjo, kotřiž mějachu z wosebitym ćahom do Berlina jěć a jutře přez Braniborske wrota maršěrować. (Brězan)
- Pětr Serbin praji, zo nic, wobleče so čistu bluzu, šmórny sej swój posledni žorćik z mjezwoča, nadu sej prizu nahłosće do žiłow a maršěrowaše na hród. (Brězan)
- My so zawróćichmy, maršěrowachmy wróćo. (Brězan)
- Wón smědźeše so zwoblěkać a domoj maršěrować. (Brězan)
- Feliks rjekny k tomu, štož Langzahnowa wo wójnje a měrje, westwallu a rańšej politice měnješe, >>haj, haj<< a >>ně, ně<<, wza jeje nahlady wo přechwatanosći młodych ludźi, štož spjelnjenje ludnostno-politiskich nadawkow nastupaše, mjelčicy na wědomje, wostaji Langzahnowu z wowcami samu a maršěrowaše won na łuh. (Brězan)
- Feliks so njewobhladny, wón maršěrowaše runy puć, doniž žonu chěžkarja Steffensena njezetka. (Brězan)
- Přećelej so po wonej poslednjej schadźowance, na kotrejž bruni hewrjekarjo wbohi ludowy spěw přerjejichu a to holadra-faladra<< podusychu w swojim přilubjenju, dale maršěrować, doniž wšo do kruchow njepóńdźe a swět jim słušeć njebudźe, hižo widźałoj njeběštaj. (Brězan)
- Snadź chcyše runje do města jěć na rańši apel sturmabteilungi, jeho škórnje so cyle swěćachu, hdyž přez šulski dwór a naměsto mjez šulu a cyrkwju maršěrowachu, wón suny tu čornu masu kemšacych burow nabok, jeho huba wrjeskaše kaž mašinopistola, ludźo so jemu wuhibnychu abo so jemu přizamknychu, snadź bě scyła jedyn jeho swěrny po njeho šoł, zo by tu hnydom na městnje był, hdźež měješe na městnje być. (Młynkowa)
Přełožki
[wobdźěłać]
|