kóčka

kóčka

kóčka (hornjoserbšćina)

substantiw, f

[1a] kóčka (domjaca kóčka, Felis silvestris catus) w sněze
kazus	singular	dual	plural
nominatiw	kóčka	kóčce	kóčki
genitiw	kóčki	kóčkow	kóčkow
datiw	kóčce	kóčkomaj	kóčkam
akuzatiw	kóčku	kóčce	kóčki
instrumental	z(e) kóčku	z(e) kóčkomaj	z(e) kóčkami
lokatiw	po kóčce	po kóčkomaj	po kóčkach

Ortografija

Dźělenje słowow:

kóč·ka

Wurjekowanje

MFA: ['kɔčka], datiw ['kɔčcɛ]

Słuchowe přikłady:

Semantika

Woznamy:

[1] zwěrjo (rubježne zwěrjo, cycak, mjasožračk) z swójby kóčkowate (Felidae Fischer 1817),
wosebje:

[1a] zwěrjo doma, domjaca kóčka (Felis silvestris catus (Linnaeus, 1758)), zdomestikowana forma płoweje kóčki (Felis silvestris libyca Forster, 1780) najskerje z wliwami druhich poddružinow dźiweje kóčki

[1b] zwěrjo lěsa, lěsna kóčka (Felis silvestris silvestris (Schreber, 1775)), ewropska poddružina dźiweje kóčki

[1c] dźiwe zwěrjo Ewropy, juhozapadneje Azije a sewjerneje Afriki, dźiwa kóčka (Felis silvestris Schreber, 1775)

[2] sančka wot [1a-c]

Dalše wujasnjenja:

[1]

Skrótšenki:

[1]

Pochad:

[1]

Synonymy:

[1] mica, micka

[1a] domjaca kóčka

[1b] lěsna kóčka, ewropska dźiwa kóčka

[1c] dźiwa kóčka

Muske formy:

[2] kocor; micak, hicak

Antonymy:

[1]

Hyperonymy:

[1-4] zwěrjo, rubježne zwěrjo, cycak

Hyponymy:

[1a] angorska kóčka, siamska kóčka, ...

[1c] europska lěsna kóčka, płowa kóčka, ...

[1] law, tiger, rys, ocelot, puma, ...

Kolokacije:

[1]

Přikłady:

[1] Rys je kóčka we wulkosći mjeńšeho wowčerskeho psa. (Serbske Nowiny, 16. požnjenca 1999)

[1a] Pod hnijatym špundowanjom synoweje łubje bě cuza kóčka młode poměła, třičerwjeno-běło-šěroblakate a jedne sněhběłe. (Jurij Brězan)

[1a] A Ladek šmóra so wokoło njeho kaž kóčka, a druhdy tež z nim porěči. (Lubina Hajduk-Veljkovićowa)

[1b-c] Kóžde zwěrjo, hač law, mjedwjedź, wjelk, liška, kóčka, škraholc, wosoł, wrobl abo sknadz, rěči a jedna wotpowědnje swojim typiskim kajkosćam. (Handrij Zejler)

[1b-c] Ow, hdy by Měrana wědźała, zo je ta, kotraž běše jej tak hłuboko wutrobinu ranu zasadźiła, tu w tajkej bliskosći, wona by kaž rys abo dźiwja kóčka na konja skočiła a jej wóčce wudrapała. (Jakub Lorenc-Zalěski)

[1a] Runje tajki kulowaty bě něhdy na row małeje kóčki połožiła, kotruž bě jako dźěćo přewšo rady měła. (Jěwa-Marja Čornakec)

[1a] Tu a tam bur hižo kruch skotu do jstwy abo do kuchnje bjerješe, pos z hěty ke kóčce pod kachlowu ławu zalěze, haj samo do jeje korbjawki so stłóči ; wšón domjacy skót zacuwaše, zo so w přećelstwje lěpje hrěje hač w přećiwnistwje, a tež ludźo to začuwachu. (Marja Kubašec)

[] Čorne kosy wobaraja so přećiwo sróce a tež přećiwo kóčce, kaž derje móža. (Mikławš Bjedrich-Radlubin)

[] Prěni raz wzach jeho mi poskićenu ruku, mjenowaše mje krjechku kóčku, a ja rybowach so wo jeho ramjo. (Jěwa-Marja Čornakec)

[1a] Hólčk sydny so na ławku, přihladowaše, kak stara Madlena kachle tepješe, hrajkaše sej z kóčku, a starej žonje bě nadobo tak słónčnje, tak ćopło w kuchni, zo dyrbješe sebi z ]]ruka|ruku]] přez woči zjěć. (Marja Młynkowa)

[1a] Na jeničkim woknje, do zahrody hladacym, ležeštej Domanic kóčce, bur njerodźeše jeju w stwě. (Jurij Brězan)

[1a] Stany a dosahny sej čornej malej kóčce. (Jan Wornar)

[1a] Wón sedźeše doma před chěžnymi durjemi a hrajkaše sej z młodymaj kóčkomaj. (Jan Wornar)

[1a] Na ponošku našim sedźa štyri kóčki, sedźa štyri kóčki, łušća tej móšini slowkowe póčki. (Handrij Zejler)

[1b-c] Nimo mjedwědźow, kotrež pak tutu bahnatu krajinu mjenje lubowachu, mjerwješe so tu z rubježnej zwěrinu: wjelki, liški, šwincy, rysy, dźiwje kóčki a tež na rěčnych a tymjenišćowych kupach bydlace bobry. (Jakub Lorenc-Zalěski)

[1a] W Choćebuzu zadomjeja so kóžde lěćo něhdźe 100 kóčkow kaž tež njeličomne wujki a małoróstne nukle. (Serbske Nowiny, 26. julija 1999)

[] Kóčkam wěrić. (Jan Radyserb-Wjela)

[1a] „Ja budu přeco ze psami a kóčkami jěsć“, wotmołwi holčka. (Pawoł Nedo)

[1a] Ale cyle wěsće měješe Krystof druhe starosće, hač so wo młodych kóčkach rozmolwjeć abo jich limonadu pić. (Jan Wornar)

Rěčne wobroty:

[1] Znjesć so. Wonej so znjesetej kaž pos a kóčka. (Jan Radyserb-Wjela)

Sedźeć kaž kóčka při pjecaku. (Jan Radyserb-Wjela)

Łakać kaž kóčka před myšacej dźěrku. (Jan Radyserb-Wjela)

Khodźić ćicho kaž kóčka. (Jan Radyserb-Wjela)

Hrać z někim kaž kóčka z myšku. (Jan Radyserb-Wjela)

Hidźić so kaž pos a kóčka. (Jan Radyserb-Wjela)

Wonaj staj kaž pos a kóčka. (Jan Radyserb-Wjela)

Zabrudźeny kaž lěpje/r. - Zabyćiwa kaž koza (kóčka[[spinka|)]. (Jan Radyserb-Wjela)

Lišćata kaž kóčka. (Jan Radyserb-Wjela)

Falšna kaž kóčka. (Jan Radyserb-Wjela)

Šćěkać so kaž młode kóčki. (Jan Radyserb-Wjela)

Myšku na kóčku honić: Słabšeho na sylnišeho šćuwać. (Jan Radyserb-Wjela)

Worać z myšemi a z kóčku. (Jan Radyserb-Wjela)

Psa z kóčku wěrować. (Jan Radyserb-Wjela)

Rola, jako by z kóčku a myšemi worał. (Jan Radyserb-Wjela)

Po psa hić a kóčku přinjesć. (Jan Radyserb-Wjela)

Kóčkam wěrić. (Jan Radyserb-Wjela)

Wotwodźene wopřijeća:

[1]

Přełožki

Zapadosłowjanske

čěski: [1a] kočka (cs) f delnjoserbski: [1a] kocka  f hornjoserbski: [1a] kóčka  f kašubski: [1a] kòt (csb) m, pùjk (csb) m; [2] micka (csb) f, kòtka (csb) f

połobski: [1a] tjöta (pox) f pólski: [1a] kot (pl) m; [2] kotka (pl) f słowakski: [1a] mačka (sk) f šleski: [1a] kot (szl) f

Wšitke

arabski: [1a] قط () (ar) armenski: [1a] կատու (katu) (hy) baskiski: [1a] katu (eu) běłoruski: [1a] кошка (koška) (be) bołharski: [1a] котка (kotka) (bg) bretonski: [1a] kazh (br) Předłoha:zh-cn: [1a] 猫 (māo) (zh) Předłoha:zh-tw: [1a] 貓 (māo) (zh) čěski: [1a] kočka (cs) f danski: [1a] kat (da) delnjoněmski: [1a] Katt (nds), [1a] Puus (nds) delnjoserbski: [1a] kocka  f esperanto: [1a] kato (eo) estiski: [1a] kass (et) ferejski: [1a] ketta (fo) finski: [1a] kissa (fi) francoski: [1a] chat (fr) m; [2] chatte (fr) f georgiski: [1a] კატა (k'at'a) (ka) grjekski: [1a] γάτα (gáta) (el) hebrejski: [1a] חתול (khatul) (he); [2] חתולה (khatula) (he) hindi: [1a] बिल्ली (billī) (hi) hornjoserbski: [1a] kóčka  f chorwatski: [1a] mačka (hr) f indoneski: [1a] kucing (id) Inarisamiski: [] kissá (smn) irski: [1a] cat (ga) islandski: [1a] köttur (is), [2] læða (is) italski: [1a] gatto (it); [2] gatta (it) japanski: [1a] 猫 (ネコ, neko) (ja) jendźelski: [1a] cat (en); [2] she-cat (en) kašubski: [1a] kòt (csb) m, pùjk (csb) m; [2] micka (csb) f, kòtka (csb) f katalanski: [1a] gat (ca) m korejski: [1a] 고양이 (gojangi) (ko) kurdski: [1a] pisîk (ku) kymriski: [1a] cath (cy) łaćonski: [1a] felis (la)

letiski: [1a] kaķis (lv) litawski: [1a] katė (lt) madźarski: [1a] macska (hu), cica (hu) makedonski: [1a] мачка (mačka) (mk) f mongolski: [1a] муур (muur) (mn) němski: [1a-c] Katze (de) f; [2] Kätzin (de) f nižozemski: [1a] kat (nl) norwegski: [1a] huskatt (no) m; [1a-c] katt (no) m, katte (no) f połobski: [1a] tjöta (pox) f pólski: [1a] kot (pl) m; [2] kotka (pl) f portugalski: [1a] gato (pt); [2] gata (pt) retoromanski: [1a] giat (rm); [2] giatta (rm) rumunski: [1a] pisică (ro) ruski: [1a] кошка (koška) (ru) sewjerosamiski: [] bussá (se) Skolt-samiski: [] kaass (sms) słowjenski: [1a] mačka (sl) f słowakski: [1a] mačka (sk) f swahili: [] paka (sw) šleski: [1a] kot (szl) f šwedski: [1a] katt (sv) španiski: [1a] gato (es); [2] gata (es) thailandski: [1a] แมว (maew) (th) turkmenski: [1a] pişik (tk) turkowski: [1a] kedi (tr) vietnamski: [1a] mèo (vi) azerbajdžanski: [1a] pişik (az) kazakski: [1a] мысық (mısıq) (kk) kirgiski: [1a] мышык (mışık) (ky) Předłoha:crh: [1a] mışıq (crh) čuwaski: [1a] кушак (kušak) (cv) Předłoha:mi: [1a] puihi (mi) Předłoha:sm: [1a] gose (sm), geli (sm), pusi (sm) ujgurski: [1a] مۈشۈك (müxük) (ug) uzbekski: [1a] mushuk (uz)

Referency a dalše informacije

[1,2] wikipedijowy nastawk „Kóčki“

Noty: