Mikławš

z Wikisłownika
Zur Navigation springen Zur Suche springen

Mikławš

Commons

Mikławš (hornjoserbšćina)[wobdźěłać]

substantiw, předmjeno, m[wobdźěłać]

kazus singular dual plural
nominatiw Mikławš Mikławšej Mikławšo
genitiw Mikławša Mikławšow Mikławšow
datiw Mikławšej Mikławšomaj Mikławšam
akuzatiw Mikławša Mikławšow Mikławšow
instrumental z(e) Mikławšom z(e) Mikławšomaj z(e) Mikławšemi
lokatiw po Mikławšu po Mikławšomaj po Mikławšach
wokatiw Mikławšo Mikławšej Mikławšo

Ortografija

Dźělenje słowow:

Mik·ławš

Wurjekowanje

MFA: ['mʲiku̯au̯š]
Słuchowe přikłady:

Semantika

Woznamy:

[1] serbske mužace předmjeno

Dalše wujasnjenja:

[1]

Skrótšenki:

[1] M.

Pochad:

[1] wot starogrjekskeho mjena Νικόλαος (Nikolaós), zestajene z νικάω (nikáo = dobudu) [→en] a λαός (laós = lud) [→en]

Warijanty:

[1] Klaws

Žónske formy:

[1]

Hyperonymy:

[1] předmjeno, mjeno

Hyponymy:

[1]

Kolokacije:

[1]

Přikłady:

[1] Bur Mikławš Nazdala, Merten Pódlan a šołta Wićaz sedźichu na Jana popołdnju korčmi při škleńcy piwa a židelku palenca, a dokelž runjewon štyrjo] njeběchu , da njeplacachu z kartami, ale dujachu šěre a módre mróčele tobakoweho kura wot so. (Handrij Zejler) [1]
[1] Mikławš Andricki tehdy jako starši Praskeho serbskeho studentskeho towarstwa wšitkich zahorješe ze swojim wohniwym duchom za narodnu wěc. (Jakub Lorenc-Zalěski) [2]
[1] Uška wědźeše wo emancipaciji Mikławša Deleńka, wona znjese tohodla nahłosć swojeho muža a wuńdźe ze jstwy. (Jurij Brězan) [3]
[1] Tutón podawk bu tež za moje žiwjenje wuznamny, dokelž sebi po přikładźe Mikławša hajniske powołanje wuzwolich. (Jakub Lorenc-Zalěski) [2]
[1] W šuli w Pančicach, do kotrejež sam chodźił, so přistaji a sta so z kolegu swojeho něhdyšeho wučerja Mikławša Bejmaka. (Rozhlad, 1997) [4]
[1] K Mikławšej měješe Jakub ze wšitkich bratrow najwuši poměr. (Jakub Lorenc-Zalěski) [2]
[1] Złamam kluč a dam jednu połojcu mortwemu Mikławšej Holce. (Jurij Brězan) [5]
[1] A Mikławša ja tež njepušću. (Jurij Brězan) [3]
[1] Móžeš spěwać wo prěnim sněhu, ze spěwom witać Swjateho Měrćina, Swjateho Mikławša a Swjatu Borboru. (Rozhlad, 1997) [4]
[1] To same płaći za organizatoriske dźěło Mikławša Krawca, Pawoła Hejduški, Pětra Šołty a mandźelskeju Josefa a Hildegard Šwonec. (Serbske Nowiny, 20. pražnika 1999) [6]
[1] Zhromadnje ze swojimaj wučerjomaj Klawdiju Čornakowej a Mikławšom Bejmakom zeznajomja so bliže z hosćićelskim městom Brnom a Morawu z jeje wočerstwjenišćemi, přirodnymi parkami a dalšimi zajimawostkami. (Serbske Nowiny, 7. róžownika 1999) [7]
[1] To móže potom zhromadnje z Křesćanom Krawcom za Wusatym Krjepjelom pytać, z Jurjom Budarjom Krakečanskim po kemšerskej šćežce mjez Krakecami a Poršicami dundać abo sej z Mikławšom Krawcom hłójčku łamać a křižowki zhódać. (Rozhlad, 1996) [8]
[1] Je to po knize wo Mikławšu Andrickim a Mari Kubašec mjez tym Waša třeća kniha, kiž so stawiznam Serbow wěnuje. (Rozhlad, 1996) [8]
[1] Dwaceći słowow, Mikławšo, a my će wuzwolimy! (Jurij Brězan) [3]
[1] Božo, Mikławšo, kak móžeš takle žiwy być? (Marja Młynkowa) [9]

Rěčne wobroty:

[1]

Wotwodźene wopřijeća:

[1] Mikławš-Pětr

Znaći nošerjo mjena:

[1] Mikławš z Myra (swjaty Mikławš), Mikławš Andricki, Mikławš Jakubica

Přełožki[wobdźěłać]

Zapadosłowjanske předmjena[wobdźěłać]
Wšitke[wobdźěłać]

Referency a dalše informacije

[1] Čěska wikipedija: Mikuláš
[1] Němska wikipedija: Mikławš
[1] Pólska wikipedija: Mikołaj
[1] Słowjenska wikipedija: Miklavž (ime)

Noty[wobdźěłać]

  1. Handrij Zejler: Zhromadźene spisy. Zwajzk 7. 1850. Citowane po uni-leipzig.de: Wortschatz.de
  2. 2,0 2,1 2,2 Jakub Lorenc-Zalěski: Serbscy rjekowje. Zberka wubranych spisow. Berlin: Volk und Wissen, 1957. Citowane po uni-leipzig.de: Wortschatz.de
  3. 3,0 3,1 3,2 Jurij Brězan: Feliks Hanuš. Dźěl 3. Budyśin: Domowina, 1975. Citowane po uni-leipzig.de: Wortschatz.de
  4. 4,0 4,1 Rozhlad, Serbski kulturny časopis, 1997. Citowane po uni-leipzig.de: Wortschatz.de
  5. Jurij Brězan: Krabat. Budyšin: Domowina, 1976. Citowane po uni-leipzig.de: Wortschatz.de
  6. Serbske Nowiny, 20. julija 1999. Citowane po uni-leipzig.de: Wortschatz.de
  7. Serbske Nowiny, 7. meje 1999. Citowane po uni-leipzig.de: Wortschatz.de
  8. 8,0 8,1 Rozhlad, Serbski kulturny časopis, 1996. Citowane po uni-leipzig.de: Wortschatz.de
  9. Marja Młynkowa: Zhromadźene spisy. Zwjazk 2. Powědančka a drobna proza. Budyšin: Domowina, 1965. Citowane po uni-leipzig.de: Wortschatz.de
Commons