Bjedrich

Bjedrich

Bjedrich (hornjoserbšćina)

substantiw, předmjeno, swójbne mjeno, m

kazus	singular	dual	plural
nominatiw	Bjedrich	Bjedrichaj	Bjedrichojo
genitiw	Bjedricha	Bjedrichow	Bjedrichow
datiw	Bjedrichej	Bjedrichomaj	Bjedricham
akuzatiw	Bjedricha	Bjedrichow	Bjedrichow
instrumental	z(e) Bjedrichom	z(e) Bjedrichomaj	z(e) Bjedrichami
lokatiw	po Bjedrichu	po Bjedrichomaj	po Bjedrichach
wokatiw	Bjedricho	Bjedrichaj	Bjedrichojo

Ortografija

Dźělenje słowow:

Bjed·rich, genitiw Bjed·ri·cha

Wurjekowanje

MFA: [bʲɛdʀʲixʲ]

Słuchowe přikłady:

Semantika

Woznamy:

[1] serbske mužace předmjeno

[2] serbske swójbne mjeno

Dalše wujasnjenja:

[2] genitiw dual a plural: hdyž dźe wo čłonow jedneje swójby, je genitiwna forma Bjedrichec

Skrótšenki:

[1,2] B.

Pochad:

[1] wot němskeho muskeho mjena Friedrich, dwuzdónkateho starowysokoněmskeho mjena, zestajaneho z germanskej mjenowej elementaj fried / fred (= měr) a rîch / rîk (= knježićel, kral), wot pragermanskeho *friþuz ^[→en] a *rīks ^[→en]

[2] wot [1]

Warijanty:

[1] Frido, Fryca

Žónske formy:

[1] Bjedruška, Bjedriška

[2] Bjedrichowa, Bjedrichec

Hyperonymy:

[1] předmjeno, mjeno

[2] swójbne mjeno, mjeno

Hyponymy:

[1]

Kolokacije:

[1]

Přikłady:

[1] Rjad předsydow zahaji 1847 Bjedrich Adolf Klin, předsyda Maćicy hač do 1855, po nim nastupi rěčnik Arnošt Rychtar na nimale 16 lět zastojnstwo, dźesatk lět předsydować/předsydowaše Jan Arnošt Smoler a po nim dwanaće lět Michał Hórnik. (Rozhlad, 1991)

[1] Běchu pak tež druzy, kotřiž – wužiwajo swoje dobyćerstwo – wobydlerstwo daloko a šěroko krjudowachu, wurubjowachu, zabiwachu, zo bychu sej na swoju ruku přetrate wójnske strapacy zapłaćili, kotrež jim Bjedrich po jich zdaću přeskupje płaćeše. (Marja Kubašec)

[1] Do předsydstwa słušachu dale inženjer Bjedrich Wićaz jako zapisowar, hosćencar Hendrich Dietrich jako pokładnik a ja jako knihownik. (Bjarnat Krawc, Achim Brankačk)

[1] Wjednistwo wójska jim jako Łužičanam hranicu dowěri, dokelž ju derje znaja a wědźa, hdźe so njewitane wosoby – posoljo abo čušlaćy Bjedricha abo tež jeho tajni přiwisowarjo w Šleskej – najlóšo přez mjezy kradnu. (Marja Kubašec)

[1] Wšo to Bosćij w krótkich wokomikach před sobu widźeše, hdyž mać a Ambrož a Michał Hesa na jeho rozsud čakachu, a to wšo dohromady dočini, zo wahać přesta a Ambrožej sobujězbu přilubi. »Pojědu z tobu, Ambrožo«, rjekny rozsudnje, »doma ničo njeskomdźu, a čehodla měł so Bjedrichej do wójska runjewon podtykować?« (Marja Kubašec)

[1] Zahorjeny wobroći so k swojemu synej Bjedrichej, kiž pódla stoješe, što by wón k tomu měnił. (Mikławš Bjedrich-Radlubin)

[1] W internej diskusiji tutoho zarysa w Serbskim Instituće z.l. so wujewi, zo posudźejomoj ja a Pětr Kunze wosobinu prěnjeho předsydy MS, dr. Bjedricha Adolfa Klina wšelako. (Rozhlad, 1997)

[1] Tola hižo lěta 1776 so znowa zhraba wosebje přez Bjedricha Mičku. (Jakub Bart-Ćišinski)

[1] Ale Goethe je so tež zeznał z woprawdźitym Łužiskim Serbom, ze sobustawom Serbskeho prědarskeho towarstwa w Lipsku Bjedrichom Awgustom Koethu kiž běše so 1771 w Lubinje w Delnjej Łužicy narodźił. (Serbske Nowiny, 20. požnjenca 1999)

[1] Nastawk wo Janje Bjedrichu Frycu (Rz 9/97, str. 340–341) je napisał Manfred Starosta. (Rozhlad, 1997)

Rěčne wobroty:

[1]

Wotwodźene wopřijeća:

[1] Bjedruška, Bjedrichecy

[1,2] Bjedrichowe/-a/-y

Znaći nošerjo mjena:

[1] Bjedrich Awgust Bergan, Bjedrich Adolf Klin, Bjedrich Wylem Mička, Bjedrich Awgust Wićaz, Kryšan Bjedrich Faber, Pětr Bjedrich Halka, Jan Bjedrich Langa, Bohačesć Bjedrich Ponich, Arnošt Bjedrich Šołta

[2] Michał Bjedrich, Mikławš Bjedrich-Radlubin

Přełožki

Zapadosłowjanske předmjena

čěski: [1] Bedřich (cs) m delnjoserbski: [1] Bjedrich  m hornjoserbski: [1] Bjedrich (hsb) m kašubski: [1]

połobski: [1] pólski: [1] Fryderyk (pl) m słowakski: [1] Frederik (sk) m, Bedrich (sk) m šleski: [1] Fridek (szl) m, Fric (szl) m

Wšitke

běłoruski: [1] Фрыдэрык (Fryderyk) (be) m bosniski: [1] Fridrik (bs) m bretonski: [1] Frederig (br) m čěski: [1] Bedřich (cs) m danski: [1] Frederik (da) delnjoněmski: [1] Friederk (nds), Fraederk (nds), Frederik (nds), Freerich (nds), Freerk (nds), Frerk (nds), Freke (nds), Freeke (nds), Frerch (nds), Frers (nds); Friedo (nds), Frido (nds), Fedder (nds), Fedde (nds), Fiete (nds), Fietje (nds) delnjoserbski: [1] Bjedrich  m emilijski: [1] Fedrìgh (eml) m estiski: [1] Vidrik (et) m ferejski: [1] Fríðrikur (fo), Frits (fo) finski: [1] Fredrik (fi) francoski: [1] Frédéric (fr) m, Frédérik (fr) m, Ferry (fr) m grjekski: [1] Φρειδερίκος (Friderikos) (el) m hornjoserbski: [1] Bjedrich (hsb) m chorwatski: [1] Fridrik (hr) m irski: [1] Feardorcha (ga) m islandski: [1] Friðrik (is) italski: [1] Federico (it) m, Federigo (it) m jendźelski: [1] Frederick (en), Fred (en), Freddie (en), Freddy (en) kymriski: [1] Ffrederic (cy) m, Ffredrig (cy) m letiski: [1] Frīdrihs (lv) m

litawski: [1] Frydrichas (lt) m, Fricis (lt) m łaćonski: [1] Fridericus (la) m madźarski: [1] Frigyes (hu), Frici (hu) němski: [1] Friedrich (de) m, Frieder (de) m, Fritz (de) m, Fredo (de) m nižozemski: [1] Frederik (nl), Fredericus (nl), Frederikus (nl), Frits (nl), Freddy (nl), Freek (nl), Fredrik (nl), Freerk (nl), Friedrich (nl), Fred (nl), Frederick (nl), Fredrikus (nl), Frederic (nl) (w porjadźe hustoty (2012)) norwegski: [1] Fredrik (no) pólski: [1] Fryderyk (pl) m portugalski: [1] Federico (pt) m retoromanski: [1] Fadri (rm) m ruski: [1] Фридрих (Fridrich) (ru) m sewjerosamiski: [1] Fretterat (se), Fretteret (se) sicilski: [1] Ferdico (scn) m, Ferdicu (scn) m, Feiddico (scn) m słowakski: [1] Frederik (sk) m, Bedrich (sk) m słowjenski: [1] Friderik (sl) m, Fredi (sl) m, Fric (sl) m šleski: [1] Fridek (szl) m, Fric (szl) m španiski: [1] Federico (es) m šwedski: [1] Fredrik (sv) zapadofriziski: [1] Freark (fy) žemajtski: [1] Frīdrėks (bat-smg)

Referency a dalše informacije

[1] Čěska wikipedija: Bedřich

[1] Němska wikipedija: Friedrich

[1] Pólska wikipedija: Fryderyk (imię)

[1] Słowjenska wikipedija: Friderik